Në Tamarë të Malësisë së Madhe do të ketë së shpejti një fabrikë të re agropërpunuese për përgatitjen e esencës së frutave dhe prodhimin prej tyre të lëngjeve natyrale.
Lajmin e ka bërë të ditur kryeministri Rama përmes një postimi në Facebook, ku nëpërmjet një video tregon edhe se si do të duket fabrika e re.
Sipas kreut të qeverisë, ky investim do të ndikojë ndjeshëm në ekonominë lokale, si dhe do të punësojë një numër të konsiderueshëm njerëzish.
“MIRËMËNGJES me një nga plot e plot shembujt e bukur frymëzues të punës, që nuk bëjnë lajm!
Në Tamarë të Malësisë së Madhe, me mbështetjen e Agjencisë për Zhvillim Bujqësor dhe Rural, po përfundon fabrika e re agropërpunuese e përgatitjes së esencës së frutave dhe prodhimin prej tyre të lëngjeve natyrale
Ky investim do të ndikojë ndjeshëm në ekonominë lokale dhe një numër i konsiderueshëm njerëzish të zonës do të punësohen, por njëkohësisht fermerët do të kenë një destinacion për të tregtuar frutat e tyre.”- shkruan Rama /Opinion.al
https://www.facebook.com/edirama.al/videos/642622806325852/
