Kryeministri Edi Rama ndodhet në Kosovë, në kuadër të turit Ballkanik, ku u takua me presidenten Vjosa Osmani dhe me kryeparlamentarin Glauk Konjufca.
Pas takimit me Glauk Konjufcën, Rama i ka thënë gazetarëve se nuk bën dot konferencë shtypi pasi nuk ka homologun.
“Nuk kam homologun, nuk bëjmë dot konferencë shtypi”, iu shpreh Rama gazetarëve teksa dilte.
Ashtu siç shihet edhe në video Rama është pyetur edhe për Kurtin, por kryeministri shqiptar nuk ka bërë asnjë koment.
Kujtojmë se ditën e sotme, kryeministri Rama ishte në pritje të konfirmimit të një takimi me Albin Kurtin.
Por deri më tani nuk ka një njoftim zyrtar nëse do të ndodhë takimi Rama-Kurti./Opinion.al
