Kryeministri Edi Rama, ishte i pranishëm në Himarë, ku shprehu mbështetjen e plotë ndaj kandidatit të PS-së, Vangjel Tavo, për kryebashkiak në zgjedhjet që do të mbahen më 4 gusht.
Gjatë fjalës së tij në takim, Rama tha se deri në fund të tetorit, të gjitha shtëpitë do të jenë të regjistruara.
Sipas tij, ka pasur persona që kanë shfrytëzuar pushtetin e mëparshëm, për t’u marrë qytetarëve, kryesisht të moshuarve kontratat.
“Ka nga ata që nuk kanë lidhje fare me Himarën, por kanë shfrytëzuar pushtetin e mëparshëm, për t’u marrë pleqve dhe plakave kontratat, ‘o ma jep mua gjysmën, o s’do të të regjistrohet kurrë” etj etj. Me kohën të paktën që jemi ne, këto gjëra mund të kenë vazhduar, por fakti që pronat e familjes sime, për të cilat unë nuk kam, nuk jam i interesuar.
Unë kam trashëguar vetëm studion e tim eti, që mund të bëj një muze të vogël në nder të tij, sepse është e padrejtë, ndërkohë që deri në fund të tetorit të tëra shtëpitë do të jenë të regjistruara. Mund të jesh në Australi dhe e merr. Me Vangjelin kemi folur që më pas do fillojmë me pjesën tjetër.
Dua të shpjegoj vetëm një gjë. Nuk ka ndodhur kjo për shkaqe nga ato që thuhen për shamata e pushtet, që duan të bëjnë atë për të cilën akuzojnë të tjerët… nuk ka këtu histori ekstremistësh në kuptimin politik, ata që e përdorin, e bëjnë për interesa materiale. Nuk diskutohet!
Por, ju kam thënë, edhe këtu problemi është i menaxhimit të pronës në kuptimin e hartave”, tha Rama.
