Kryeministri Rama tha në “Tonight” se Reforma në Drejtësi ka ngecur tek Partia Demokratike, e cila nuk është në opozitë, ajo ka ngecur tek parku, reforma në drejtësi ka ngecur tek Parku i Lojërave.
Megjithatë, Rama tha se ne jemi gati dhe kemi një pamje shumë të qartë të gjetjes së zgjidhjes dhe kjo falë edhe Komisionit të Venecias.
Tare: Ata janë në komision z.Rama?
Rama: Ata ishin, por s’janë.
Kryeministri theksoi se sot duhet të kishin mbaruar të gjitha punët për ndryshimet kushtetuese, ku vetë Komisioni i Venecias ka dhënë një hartë, ku ne fare mirë, mund të gjenim rrugën për t’i dhënë zgjidhje këtij ngërçi.
Tare: Çfarë dialogu i ofruat PD-së, z. Rama?
Unë i ofrova një dialog të një niveli të lartë që palët të jenë në një tavolinë edhe pse nuk biem dakord.
“Ne bëjmë një dialog të një niveli të lartë që palët janë në taolinë edhe pse nuk janë dakord, por diskutojmë”, u shpreh Rama.
Tare: Do mund t’i bëni një ftesë kreut të PD-së?
Rama: Me çfarë t’ia bej me shkrim? Me vulë?
Megjithatë, unë ja kam bërë edhe më parë një ftesë të tillë, por çështja është, a mund të ulemi në tavolinë dhe të flasim që mos dakordësia të mos jetë punë parqesh, por kjo realizohet nëse Partia Demokratike heq dorë nga gardhi.
Rama tha ndër të tjera se dialogohet pa kushte dhe jo me kushte.
PD, dialogon nga televizioni, por ne mund të kemi një dialog për çështje të ndryshme.
Tare: Ta caktojmë ftesë për Lulzim Bashën?
Rama: Unë thashë është ftesë për lidershipin e Partisë Demokratike, aty mund të vijë kushdo.
Tare: Keni një afat për një ftesë të tillë ?
Për çdo moment që dëshirojnë miqtë e Partisë Demokratike.
Tare: Z.Meta do jetë i ftuar?
Po sigurisht nëse dëshiron edhe ai mund të vijë në jemi të dy bashkë në një koalicion dhe drejtojmë bashkë një koalicion.
