Kryeministri Edi Rama ndodhet në Gjirokastër, ku po zhvillon një takim me banorët e zonës.
Në fjalën e tij, Rama ka zbuluar një projekt të ri të qeverisë, i cili do të jetë gati për Shqipërinë 2030.
Kryesocialisti ndau me banorët lajmin se do të ndërtohet aeroporti i ri i Gjirokastrës, i cili sipas tij, do të jetë turistik.
Rama u shpreh se aeroporti aktual është funksional për aktivitetet sportive dhe fluturime sportive, duke shtuar se “ka rezultuar që të jetë pika më ideale për të bërë aeroportin turistik të jugut”.
Pjesë nga fjala e Ramës:
“Tani më është shumë e qartë, si dhe pse deri në fund të kësaj dekade niveli i ekonomisë vendore në këtë qark do të rritet në mënyrë te ndjeshme sepse nga njëra anë turizmi, zhvillimi i agroturizmit, agropërpunimi që do të ketë mbështetje të veçantë, paketa e maleve, do i japë një dorë shumë të mirë sidomos zonave të thella, dhe aeroporti i Gjirokastrës që është funksional për aktivitetet sportive për fluturime sportive, ka rezultar që të jetë pika më ideale për të bërë aeroportin turistik të jugut.
Duke pasur këtë lidhje të shpejtë mes Gjirokstraës dhe bregdetit rezulton nga ekspertiza ndërkombëtarë që pika më ideale për të ndërtuar aeroportinë shtë Gjirokstra dhe projekti, koncepti i përgjithshëm është gati. Kemi shumë besim, nuk është aeroport i madh si Vlora, por është aeroport turistik, sezonal dhe kemi shumë besim që në Shqipërinë 2030 do të ketë fluturime që ulen dhe ngrihen nga aeroporti i Gjirokastrës.”
