Banorët e prekur nga përmbytjet në vitet 2010-2011 në Shkodër dhe ata të prekur nga ndërtimi i stadiumit që s’kanë marrë kompensimin kanë tentuar të takojnë sot Kryeministrin Edi Rama por janë ndaluar nga Garda e Republikës.
Kryeministri ndodhet në Shkodër ku po takon kryebashkiaken Voltana Ademi. Mësohet se takimi po zhvillohet me dyer të mbyllura. “Nuk mund të na ndaloni ta takojmë. Të drejtat tona do t’i kërkojmë deri në fund. Kërkojmë dëmshpërblimet për përmbytjet”, kanë thënë banorët që kërkojnë dëmshpërblimet.
