Kryeministri Edi Rama është ndalur këtë të shtunë në Selenicë në kuadër të turit të falenderimeve të ndërmarrë prej tij pas fitores në zgjedhjet e 14 Majit.
Gjatë fjalë së tij, Rama ka shprehur mirënjohje për demokratët të cilët nuk dolën të votonin në zgjedhjet e 14 Majit.
Kreu i qeverisë tha se këta qytetarë kanë dhënë kontribut në të ardhmen e vendit, pasi nuk votuan për të shkuarën.
“Mos dalja në votim e një pjese të tyre është kontributi më i rëndësishëm që ata kanë dhënë për të ardhmen e vendit tonë. Sepse nuk pranuan që ta ndyjnë dorën duke shkuar në votim për ta vënë kryqin e votës së tyre tek një bashkim hijesh të së shkuarës, të cilat janë aty për ta tërhequr Shqipërinë vetëm mbrapa”, tha Rama.
