Kryeministri, Edi Rama, ndodhet ditën e sotme në Poloni, ku po merr pjesë në Samitin e Ballkanit Perëndimor.
Rama është shprehur se rruga e vetme e Ballkanit Perëndimor është forcimi i bashkëpunimit rajonal, kjo rrugë sipas tij, mbështetet nga Gjermani dhe Franca.
Kryeministri shtoi se në këtë samit po bëhet dhe një bilanc të punëve të arritura nga vendet e rajonit.
“Është samit për të bërë një bilanc të ecurisë së punëve në terësi në rajonin tonë. Kemi pasur diskutime intensive, interesante, të hapura dhe është me shumë rëndësi që procesi i Berlinit është një proces që konsolidohet vit pas viti, pa diskutim dhe arritjet nuk janë pak. Çfarë është planifikuar për të nesërmen është më e sigurt seç ka qenë më parë. Ne kemi vetëm një rrugë, rrugën e forcimit të bashkëpunimit rajonal. Në këtë aspekt, Bashkimi Europian, në radhë të parë Gjermania por edhe Franca së fundmi me riangazhimin në rajon dhe agjencinë franceze të zhvillimit të përfshirë për herë të parë historikisht në rajon, janë në mbështetje”,-tha Rama./ Opinion.al E.Xh.
