Kryeministri Edi Rama ndodhet ditën e sotme së bashku me homologun e tij Dimitar Kovaçevski në Qafë-Thanë për të implementuar programin e ri kufitar mes Shqipërisë dhe Maqedonisë së Veriut.
Gjatë një konference të mbajtur për mediat, kryeministri Rama thotë se ky është një moment i rëndësishëm sepse lehtësohet kalimi për shkëmbimet tregtare, por dhe për zhvillimin e marrëdhënieve mes dy vendeve, pa harruar turizmin.
Sipas Ramës, Shqipëria është duke përjetuar një impakt të jashtëzakonshëm të transformimit të imazhit të saj.
Ai thekson se ndryshe nga vitet e tjera në këtë vit është parë fluks i tëpërt i turistëve, por dhe numri i investitorëve të mëdhenj ndërkombëtarë te interesuar për të investuar në industrinë e turizmit në Shqipëri.
“Sot është një moment i rëndësishëm për të gjithë ata që kalojnë nga kjo pikë kufitare qofshin individë apo kompani që shkëmbejnë mes dy vendeve. Është një moment i rëndësishëm sepse më në fund jua lehtësojmë në mënyrë të konsiderueshme kalimin në këtë pikë dhe patjetër i japim një shtysë të mëtejshme jo vetëm shkëmbimeve tregtare, por dhe zhvillimit të marrëdhënieve tona të tërësi, pa harruar dhe zhvillimin e turizmit.
Shqipëria këtë vit po përjeton një impakt të jashtëzakonshëm të transformimit të imazhit të saj dhe si asnjë vit më parë fluksi i turistëve, por dhe numri i investitorëve të mëdhenj ndërkombëtarë te interesuar për të investuar në industrinë e turizmit në Shqipëri, së bashku me shqiptarët e diasporës apo dhe me ata që banojnë në Shqipëri është realisht tejet inkurajues”, u shpreh Rama./Opinion.al
