Kryeministri Rama në këtë fushatë ju është rikthyer sërish fotove të tij nudo që u publikuan para disa vitesh. Rama tha sot nga Erseka se nëse ai donte timonin pasi do pushtet për vete, nuk do kishte bërë marrëveshje me Bashën dhe se ky i fundit do të qëndronte sipas tij me rroba banje në çadër duke parë në ëndërr fotot e tij.
“Pasi ata dolën nga çadra nuk kam humbur asnjë centimetër, 198 cm isha para çadrës dhe aq jam. Atyre që u thonë Edi Rama do timonin se do pushtet për vete, po të doja unë pushtet për vete Luli do ishte në çadër me rroba banjo duke parë në ëndërr ato fotografitë e mia. Iu kujtohen ato fotografitë. Ne nuk do ishim këtu tani duke bërë debat, por do prisnim 18 Qershorin dhe do merrnim mbi 100 deputetë. Ky është pushteti për vete”.
Më tej kreu i socialistëve u shpreh se “ne do marrim më pak deputetë, s’do marrim 100, por ama do fitojë Shqipëria siç ka fituar nga marrëveshja që bëmë. Ishte një marrëveshje që ne nuk menduam për pushtetin për vete, por për shtetin e gjithë shqiptarëve. Demokratëve të Ersekës unë u them se i keni borxh PSsë se iu shpëtuam Lulin”. /opinion.al
