Rama ka vizituar qytetin e Librazhdit aty është duke u investuar për qendrën e qytetit. “Ajo që njerëzit nganjëherë nuk e perceptojnë për shkak të propagandës së kazanit është që kjo lloj qasje sjell rritje të ekonomisë lokale, sepse sjell rritje të dëshirës për të bërë biznes të vogël, sjell rritje të dëshirës për të konsumuar dhe patjetër edhe rritje të vetëpunësimit, ose të punësimit të vogël”, tha Rama, i cili ka folur pas kryetarit të Bashkisë, i cili shpjegoi punimet që po kryhen.
“Po ndërhyhet për devijimin e lumit Shkumbin, ndërtimin e digës dhe të një ure për sistemimin e ujërave të përrenjve që derdhen në Shkumbin. Për një shfrytëzim sa më efikas të hapësirës, ndërhyrjet përfshijnë jo vetëm punimet inxhinierike, por edhe trajtimin estetik të territorit. Mbi trupin e digës është parashikuar ndërtimi i shëtitores së re, me mjedise funksionale për çdo moshë”, deklaroi kryebashkiaku Kastriot Gura.
