Kryeministri Edi Rama deklaron se janë bërë disa lëshime nga mazhoranca në drejtim të kërkesave të PD për reformën në drejtësi. Por ka një vijë të kuqe që nuk e lëshon, sikur reforma të mos bëhet KURRE, tha Rama. Janë pikërisht dy këshilla që krijohen për etikën e gjyqtarëve e prokurorëve, nëse drafti votohet.
Edi Rama deklaratë për mediat pas takimit me Metën për reformën në drejtësi:
PD ka ardhur në fillim vetëm në një pikë: 2/3. Tani 2/3 nuk u bëjnë më punë dhe duan vende të rezervuara, me argumentin se duan të mbrojnë sistemin nga kapja. Ne kemi ofruar 2/3 si kufi ekstrem kompromisi, të bindur se kjo nuk ka perëndi që e kap sistemin.
Ne kemi dashur të provojmë se s’na intereson kapja por shembja e këtij sistemi dhe ngritja e të riut, ku partitë të mos kenë më vend me ndërhyrje në sistemin e drejtësisë.
Unë nuk e kam përjashtuar dhe sdo e përjashtoj deri në fund një zgjidhje që e përfshin opozitën. Kemi punuar dhe po punojmë për një zgjidhje që të përshtasë draftin me kërkesat e opozitës. Unë jam i bindur se kjo zgjidhje mund të gjendet nëse PD-ja e do vertetë zgjidhjen dhe nëse kjo pikë është e vetmja gjë që e ndan PD nga kartoni jeshil për reformën në drejtësi.
Nëse pika është një rreth, ky rreth ka dy gjysma të ndara me nëj vijë të kuqe. Janë 4 institucione që miratohen nga Kuvendi. Dy lidhen me radiografinë e çdo gjyqtari e prokurori. Komisioni e posaçëm i kualifikimit ku do të kalojë në filter vendimmarrja dhe pasuritë e çdo gjyqtari e prokurori. I dyti është Kolegji i Apelitmit, ku do ankimojnë ata që nuk do jenë të kënaqur nga filteri i parë.
Ata që do shërbejnë në këto dy instanca jetike do të marrim paraprakisht një miratim nga Avokati i Popullit dhe një grup ndërkombëtar monitorimi. Më tej një listë me emra vjen për votim në Parlament, ku do të votohet me shumicë të cilësuar.
Pra kjo është vija e kuqe, për ngritjen e këtyre dy institucioneve me shumicë të cilësuar, unë nuk lëshoj.
Unë nuk do ta votoj kurrë reformën në drejtësi nëse preket kjo vijë e kuqe!!!
Për dy kërkesat e tjera (këshilli i lartë i gjyqtarëve dhe këshilli i prokurorëve) janë gjithë mundësitë për kompromis. Ne jemi gati të lëvizim nga 2/3 dhe PD të lëvizë nga vendet e rezervuara.
Nuk po flasim për rregulloren e Kuvendit, ku PD e shkel çdo të enjte, por po flasim për Kushtetutën e Shqipërisë.
Pas shpërndarjes së draftit sot, ne presim mbledhjen e Komisionit të Posaçëm gjatë ditës së nesërme, pasi s’ka më asnjë ditë për të humbur, madje asnjë orë për të humbur.
Shpresojmë shumë që opozita të vijë në komision. Do punojmë shumë për një zgjidhje të pëlqyeshme kompromisiomi.
Nëse opozita na detyron ta votojmë të vetëm draftin, do ta bëjmë, por gjithsesi s’do ta votojmë nenin e shumicës së cilësuar. Do të tentojmë të gjejmë zgjidhje të arsyeshme.
Unë vazhdoj të mendoj se PD nuk e do reformën në drejtësi, por vazhdoj të mendoj që PD do e votojë reformën. Do bëjmë çmos që të lëshojmë për ta miratuar me konsensus por pa kaluar vijën e kuqe.
/Opinion.al
