Kryeministri Edi Rama po merr pjesë në samitin ekonomik të Kinës me 16 vende të Europes Qendore dhe Lindore. Duke folur për infrastrukturën Kryeministri Edi Rama ndau me të pranishmit nevojën e gjetjen së financimit për “Korridorin e Kaltër”, projekt që prek vendet që lagen nga deti Adriatik dhe ai Jon.
“Së bashku me qeverinë e Malit të Zi, me Bosnje-Hercegovinën dhe Kroacinë, presim me padurimin financimin e Autostradës Adriatike-Ioniane që e quajmë ndryshe “Korridori i Kaltër”, u shpreh Rama.
Më tej ai u ndal tek turizmi. “Shqipëria po punon që t’i japë hov turizmit, i cili është një sektor prioritar kombëtar dhe një mjet për të promovuar rritje dhe zhvillim gjithëpërfshirës. Vendi ynë ka ofertë turistike të pasur dhe të shumëllojshme”, tha Rama.
