Kryeministri Edi Rama ka udhëtuar sot drejt Fierit, për të marrë pjesë në një aktivitet me rastin e 8 marsit.
Por militantë dhe simpatizantë të opozitës janë mbledhur në hyrje të qytetit, duke protestuar kundër qeverisë dhe kryeministrit. Ata kanë dalë me parrulla “Rama ik”, ndërsa të pranishëm ishin drejtues të opozitës në Fier si edhe deputetët Enkelejd Alibeaj dhe Kejdi Mehmetaj.
Protestuesit janë përplasur me forcat e policisë, të cilët nuk i kanë lejuar të kalojnë. Ata kanë kërkuar të protestojnë në vendin ku Rama po zhvillon takimin me gratë e qarkut të Fierit.
Ndërkohë, Partia Demokratike thotë se kryeministri ka ndryshuar oraret dhe axhendën në Fier si pasojë e protestës. “Edi Rama nuk shkoi dot në Roskovec sot, pasi qytetarët i bllokuan hyrjen në qytet. Për shkak te bllokimit të rrugës, Rama ka ndryshuar oraret në axhendën dhe lëvizjet në qarkun e Fierit”, shprehet PD./Opinion.al
