Gunther Krichbaum i pyetur nga gazetarja e Tv Klan Elja Zotka se a e ka njohur Kryeministrin Edi Rama me qendrimet e grupit të tij parlamentar kundër hapjes së negociatave të Shqipërisë në BE si dhe për vizitën e Ramës në Berlin javën e ardhshme, ai tha se: “Vizita e Ramës javën tjetër në Berlin është thjesht rastësi”. Duke shtuar se zyrtarë shqiptarë, si ministri i Jashtëm, etj kanë vizituar shpesh Berlinin dhe janë njohur me qendrimin e Gjermanisë për reformat në Shqipëri.
Krichbaum është kryetari i Komisionit Parlamentar për Cështjet e EU-së prane Bundestag-ut Gjerman. Ai është deputet i CDU-së (partisë së Merkelit), grupit më të madh parlamentar në Gjermani. Gjatë një konference në Tiranë pasditen e sotme ai tha se “negociatat e Shqipërisë me BE nuk hapen para pranverës së vitit 2018-ës”.
I pyetur se me çfarë tagr po flet në vendin tonë, ai tha se është parlamentar dhe ka sigurisht mbështetjen e kryetarit të grupit parlamentar të CDU-së.
