TIRANË- Edhe pse është akuzuar për dhënien me koncension të një sërë shërbimesh, siçc ishte edhe TVSH-ja, Rama tha se qeveria do të vazhdojë këtë rrugë të partneritetit publik-privat.
“Rasti në fjalë ka qenë në Brazil dhe ka qenë një histori suksesi. Ne do vijojmë me këmbëngulje ta zgjerojmë bashkëpunimin me sipërmarrjen në funksion të rritjes së cilësisë së shërbimeve”, ka thënë Rama.
Sipas tij, ky partneritet do të japë efekte edhe sa u takon investimeve. “Nëse ne nuk rrisim borxhin, por përkundrazi ka një trend në ulje; nëse nuk rrisim taksat, por përkundrazi ka një trend në ulje, atëherë rruga e tretë për përmirësimin e investimeve në funksion të përmirësimit të shërbimeve është partneriteti publik-privat”, ka thënë Rama.
