Dita e djeshme ka qenë intensive per politikën. Pasi Meta tha se drafti ka rënë dhe duhet të nisin bisedimet politike për reformën në drejtësi, orët e pasdites u shoqëruan me takime të shumta.
Gati 90 minuta ka zgjatur takimi mes Kryeministrit Edi Rama, kreut të Kuvendit Ilir Meta dhe Ministrit të Drejtësisë Ylli Manjani, në ambientet e vilës qeveritare numër 30, dje në mbrëmje.
Në këtë çështje janë përfshirë edhe ambasadorët e BE dhe SHBA. Më herët gjatë pasdites së të mërkurës ambasadori LU dhe ambasadorja Vlahutin ishin në zyrën e Kryeministrit Rama. Edhe pas këtij takimi nuk ka pasur deklarata per mediat nga palët.
Dita e sotme ka pritshmëri të shumta për të mësuar nëse janë dakordësuar Rama e Meta për drejtësinë.
