Kryeministri Edi Rama u shpreh se qeveria do të rrisë presionin mbi kompanitë dhe bizneset për deklarimin e plotë të pagave.
Nga takimi që po zhvillon me pensionistët në qytetin e Durrësit, Rama theksoi se problemi kryesor për rritjen e pensioneve është mosdeklarimi i plotë i pagave.
Sipas tij arsyeja se pse nuk deklarohen pagat, është taksa, detyrimet shëndetësore dhe shoqërore.
“Edhe sikur ne ta pezullonim Parlamentin dhe të mernim të gjitha pagat e deputetëve e dini ju se ca ndikimi do kishte kjo. Një ndikim 30 Lekë. Dhe sigurisht që ky është muhabet kot, por ky është thelbi. Ndërkohë që këtu çështja nuk është kështu. Taksat janë të fëmijëve, sigurimet shoqërore janë të pensionistëve. Taksat janë për të bërë të gjitha llojet e shërbimeve, për të mbajtur në këmbë të gjitha shërbimet. Por kur ndodh që kontributet shoqërore janë më pak se sa na duhen, i marrim nga taksat. Ja marrim të ardhmes për të garantuar të tashmen e pensionistëve.
Pavarësisht të gjitha diskutimeve, por ma është problematika, është sakrificë nuk është një gjë që nuk është dorë e shtrënguar apo një shpellë diku që është e mbyllur sepse nga ana tjetër çdo pension që rritet, rritet përgjithmonë jo vetëm për sot. Ai 4.1 % është gjithmonë aty. Nëse ne do të jemi në rregull ai do të jetë nja 50 milion tjetra. Të fillojmë që tani. Në fundvit ju keni marrë gjithmonë bonus. Ishte njëri që thoshte do ju japim gjel për vit të ri. Është duke kënduar si gjysmagjel atje në dritare. Ne e rritëm bonusin edhe e bëmë jo një gjel për dy pensionist, por një bonus 50 Euro për secilin nga pensionistët.
Kjo nuk mjafton më, është shumë e qartë. Nuk mund të themi që prap do të merrni 50 Euro bonus. Do të rrisim bonusin dhe e dyta jemi duke parë një plan rritje pensioni gradual duke shtuar ne pjesën tonë, por duke filluar edhe një tjetër operacin për të rritur të ardhurat dhe ka akoma shumë rezervë aty dhe prandaj ne e mendojmë që kjo e detyrimeve që burojnë nga ligji për sigurimet shoqërore është njësoj si faturat e energjisë dikur që duhen paguar sepse çdo biznes që shmang deklarimin real të pagës për të mos paguar sigurimin shëndetësor vjedh nga një pensionist se ato mblidhen sot dhe kalojnë te pensioni nesër. Me këto të dyja ne do të arrijmë të kemi një kapacitet që të rrisim pensionet. Bonusi këtë vit do të jetë një bonus më i madh dhe të qëndrojë aty për çdo vit. E treta është pjesëmarrja e pensionistëve në % e rritjes ekonomike.
Ne po shohim si të fusim një kusht që përqindja mbi parashikimin të jetë një përqindje që të përfitojnë pensionistët. Këto janë gjërat që duam të bëjmë. Ajo që do të na japë dorë është presioni mbi kompanitë për deklarimin e pagës reale. Arsyeja pse nuk deklarohen është taksa dhe detyrimet shëndetësore dhe shoqërore.
Kemi mijëra raste pensionistësh që çojnë ankesë për pensionet. Duhet që cdo punëmarrës të kuptojë që nëse bën marrëveshje me punëdhënësin i bën gropën vetes se pensioni i del shumë më i vogël, por sot për sot vjedh një pensionist tjetër. Ne do ta rrisim shumë peesionin mbi kompanitë dhe të gjithë ata që kanë një biznes”, u shpreh Rama.
