Pavarësisht se e refuzoi ta takojë edhe pse shkoi në Kosovë, kryeministri Edi Rama thotë se marrëdhënia me Kurtin nuk ka asnjë krisje.
Rama u shpreh gjatë një interviste në Klan Kosova se e çmon si njeri pavarësisht bindjeve politike të tij të majta.
Ai thotë se me Kurtin si kryeministër ka një ndarje shumë të madhe.
“Se flitet sikur ka ndonjë gjë personale mes meje dhe Albinin, kjo s’ka lidhje fare. Unë jo vetëm që nuk kam problem, e konsideroj një njeri atraktiv që mund të flas shumë, mund të mos biem dakord për shumë gjëra po biseda është e këndshme. Për mua është shumë marksist, por biseda bëhet. E kam shumë marrëdhënie pozitive me atë person. Me kryeministrin e Kosovës në këtë moment kam një divergjencë të madhe, një vetë izolim i çuditshëm që po ja imponon vetë Kosova zyrtarëve partnerëve dhe miqve tanë. Masat janë të përkohshme, janë lënduese. (…) Askush s’po i kërkon Kosovës mos të respektojë Kushtetutën dhe ligjin. Nëse njerëzit protestojnë ndaj një qeverie, ka të bëjë me legjitimitetin. Unë kam qenë 100% me qëndrimin e autoriteteve këtu, kur i thoshin të gjithë mos fut ti kryetar në zgjedhje. Po nuk më ka shtuar në mendje që do i mbante aty. “- thotë Rama.
