Kryetari i Partisë Demokratike, Lulzim Basha, ka komentuar pas mbledhjes me aleatët, edhe deklarimet e kryeministrit Rama që e ka cilësuar si bllof të opozitës, idenë e djegies së mandateve, pasi sipas tij nëse do ta kishte seriozisht, opozita do të duhej t’i digjte që sot mandatet dhe jo të përfshihej në teknikalitete.
“Mos humbisni kohë me budallalliqet e një njeriu të ç’ekulibruar. Sot ka ndodhur një akt i paprecedentë në historinë 28 vjeçare të pluralizmit. E gjithë opozita ka marrë një vendim për t’iu bindur urdhrit të qytetarëve shqiptarë, që u derdhën me trajtën dhe formën e sovranit në protestën mbarëkombëtare të 16 shkurtit. Të tjerat janë budallallëqe për të devijuar të vërtetën. E vërteta është kjo: Edi Rama nuk është më kryeministri i shqiptarëve. Është kapur nga prokuroria shqiptare dhe demaskuar nga Zëri i Amerikës si hajduti i zgjedhjeve të 2017-s. Parlamenti nuk është legjitim dhe ky është shkaku për pasojat që mblodhën qytetarët në shesh. “, tha Basha.
Me tej Basha tha se “ky nuk është shteti që shqiptarët duan, ky nuk është shteti që shqiptarët meritojnë. Dhe këtë shqiptarët e treguan me protestën më të madhe në Shqipërinë më të rrudhur demografikisht në 28 vite.” Dl/ Opinion.al
