Kryeministri i Shqipërisë, Edi Rama ka reaguar pas vizitës së komisionerit Hahn gjatë ditës së sotme në Kosovë.
Rama shkruan në “Twitter“ se komisioneri ka të drejtë kur shprehet se taksa për tarifat e mallrave të vëna ndaj Serbisë është obstruktive. Rama shtron pyetjen se çfarë ka fituar Kosova përmes konstruktivitetit.
Shefi i qeverisë tha se kjo taksë e aplikuar nga Kosova për Serbinë nuk është një veprim për t’u gjykuar, por sipas tij kjo është një formë për të klithur dhe për ta dëgjuar.
“Komisioneri Hahn ka të drejtë!Taksa100% mbi produktet e Serbisë&Bosnje-Hercegovinës është obstruktive,po çfarë ka fituar deri më tash Kosova me qasjen e saj konstruktive?Hiç% të asaj që ka merituar!E pra,ajo nuk është një taksë që duhet gjykuar, po një klithëm që duhet dëgjuar…”, shkruan Rama.
