Shkrimtari disdent Kasem Trebeshina u nda nga jeta dy ditë më parë dhe dje u përcoll në banesën e fundit. Të shumtë qenë ata që ndanë hidherimin për largimin e kolozit të letrave që mbeti i pabotuar në dy epoka: diktaturë dhe pluralizëm. Por mungoi një ngushëllim nga ana e Kryeministrit apo nga Ministrja e Kulturës.
Sot Kryeministri Edi Rama ka kërkuar ndjesë për këtë harresë dhe shkruan:
“Lejomëni të ndaj me ju trishtimin për ndarjen nga jeta të Kasëm Trebeshinës, një njeriu krejt të posaçëm, shqiptar kokëfortë si pakkush dhe i fortë si më të rrallët e këtij vendi në mbrojtje të lirisë e të ideve të veta, të cilin pata fatin ta njoh në kohën e ndërrimit të epokave, kur i thoshte të vërtetat e veta me mprehtësinë e një shpate të pathyeshme. Ndjesë dhe një ditë të mbarë të gjithëve”.
Siç duket qartë Rama, bën një përshkrim për individin Kasem Trebeshina, por nuk ka asnjë rresht për veprat e tij.
Kasem Trebeshina shkëlqeu në të gjitha gjinitë dhe zhanret letrare, në poezi, prozë, dramatikë. Pjesa e dërrmuese e veprës letrare vijon të mbetet në sirtar, e pabotuar.
/Opinion.al
