Këtë të premte kryeministri Edi Rama ka inspektuar nga afër punimet në Bulevardin “Ismail Qemali” në Vlorë.
Në këtë inspektim, Rama shoqërohej nga nga ministri Damian Gjiknuri, njëherësh dhe deputet në këtë qark dhe kryetari i Bashkisë së Vlorës, Dritan Leli.
Rama nuk i kurseu kritikat për këtë të fundit në lidhje me punimet që janë bërë në Vlorë, ndërkohë nuk ka nguruar që të japë porositë e tij përdisa ndryshime në fasadat e pallateve, që të kenë kombinime me ngjyrat.
Rama i kujtoi Lelit edhe një çështje që nuk është zgjidhur ende, siç është heqja e një tabele.
“Kam kaq vite që them; hiqe, hiqe atë tabelë, e spo hiqet. Do bëjmë një tjetër lulishte në Vlorë, ku do të dalë në pah dhe Shtëpia e Pavarësisë. Po kur nisi Lungomare, thonë po bëhet shteg dhish.”, tha Rama.
Kreu i qeverisë theksoi se së shpejti do të hapet gara për Parkun e Shtëpisë së Flamurit, që do të lidhë bulevardin “Ismail Qemali” me Lungomaren, përmes një oazi të gjelbër, si edhe kënde për fëmijë./ Opinion.al
