Eshtë duke vazhduar konferenca për shtyp e kryeministrit Edi Rama me gazetarët. Një konferencë ka nisur në orën 12:00. Ai shprehet i vendosur për të mbajtur zgjedhjet më 18 qershor. Po kështu protestën e opozitës më 7 maj në Kavajë nuk e sheh si sfidë.
“Një gjë është e sigurt. Destabilitet në vend nuk do të ketë. Kjo është pak e sigurt” tha ai.
Më tej Rama tha se “gjitha sondazhet na nxjerrin fitues” madje ai ftoi median të bëjë sondazhe dhe të shohë sa mbështetje ka në popull PD dhe sa PS-ja.
Rama për Kavajën:
“Kavaja për ne nuk është sfidë. Nëse PD mendon që 7 majin mund ta ketë okazionin e jetës për të treguar sa në gjendje është të bëjë rrëmujë kjo është tjetër tregues i krizës së PD, për ne 18 qershori është data, 7 maji është datë për konfirmimin e atij që drejton sot Kavajën”- tha rama
Ai deklaroi se nuk mendoj për 7 majin si datë për të bërë në Kavajë një ballafaqim fizik. ”Unë mendoj për 7 majin si afatin e tejfundit të PD për tu regjistruar në zgjedhje dhe këto dy ditë PD duhet ti përdorë për të marrë garancitë që i jep mekanizmi ynë, i propozuar prej nesh dhe për të hyrë në zgjedhje që të mos e kompletojë me duart e veta vrasjen që ka organizuar e pavetëdijshme që po hyn në rrugë pa krye duke bërë blof spektakolar që nuk funksionon”- tha ai.
