Kryeministri, Edi Rama, gjatë vizitës në Spanjë ka zhvilluar, një takim pune me rektoratin e Universitetit Kombëtar të Edukimit në Distancë (UNED) në Madrid.
Përmes një postimi në “Facebook”, kreu i qeverisë njoftoi se së bashku me këtë universitet po punohet për kampusin e Gjirokastrës, që do t’i bashkohet sistemit europian UNED, për t’iu dhënë studentëve shqiptarë mundësinë për programe dhe diploma të UNED pa lëvizur nga vendi.
“Madrid – Mëngjes pune në rektoratin e UNED, (Universiteti Kombëtar i Edukimit në Distancë), me të cilin po punojmë për kampusin e Gjirokastrës, që këtë vit do t’i bashkohet sistemit europian të UNED-it duke u dhënë studentëve tanë mundësinë e programeve dhe diplomave të UNED, pa lëvizur nga Shqipëria”, njoftoi Rama.
Kujtojmë se Rama nisi dje një vizitë pune dy ditore në Spanjë me rastin e pjesëmarrjes së Shqipërisë në panairin e turizmit “FITUR, Madrid”.
