TIRANE- Në përfundim të seancës plenare, Sali Berisha foli para gazetarëve për dialogun me mazhorancës. Ai tha se Rama foli dje për dialog vetëm pasi ia kërkoi Johanes Hahn. Sipas tij, Basha i ka bërë Ramës 36 ftesa për dialog dhe e ka refuzuar.
Duke komentuar letrën që Valentina Leskaj i dërgoi kryeparlamentarit, ku shprehet e gatshme që mandati i saj të shkojë në Kushtetuese, Berisha tha: Letra e Leskaj sikur një vrasës ti thotë shtetit më dëno se vrava. Këtu s’kemi të bëjmë me vrasje tani del kusari dhe thotë meqë opozita po proteston unë po shkoj. Nëse shteti ligjor funksionin mbi bazën e vullnetit të shkelësve të ligjit i bie që kur t’ju teket vrasësve të shkojnë të dënohen, kur t’ju teket kuasarëve shkojnë e dënohen. Kjo mazhorancë ka asgjësuar Kushtetutën dhe Konventën Europiane”.
Në lidhje me ftesën për dialog që Rama i ka bërë kryeopozitarit, Berisha thotë se ajo vjen pas 36 ftesave të Bashës. “Mendoj se vendimin për këtë e merr zoti Basha, kjo ftesë vjen pas 36 ftesave që Basha i ka bërë , mendoj se dialogu është i domosdoshëm, pa dialog vendi nuk ecën në proceset integruese, se si do zhvillohet, kush do e ndërmjetësoje e kush do e thërrase, të mos bëjmë luftë gjelash, ai e ftoi 36 herë dhe, ky e ftoi një herë” tha ai.
Berisha theksoi se asnjë nuk i interesuar për dialogun si të tillë por për dialogun e frytshëm. “Le të shqyrtohen, por një gjë e përgatitur dhe jo show mediatik, mundet të ketë lehtësues, e rëndësishme është të vendoset dialogu. Se nga do shkojë maxhoranca në lokomotivën e zonjës Leskaj apo me Kushtetutën kjo është cështje tjetër” tha ai.
Berisha nuk i kurseu akuzat për Ramën, duke shtuar se ai është i sëmurë dhe i pashpresë, pasi ka tentuar të turpërojë një gazetare për faktin se është nënë.
“Ky zotëri i sëmurë, pa shpresë me atë që ka bërë me gazetaren Ilva Tare ka folur jo si shtetar por si një halabak i vërtetë. Të mendosh se
mund të turpërosh një zonjë, një gazetare me faktin se është nënë dhe rrit një vajzë duhet të kesh psikologji të një halabaku. Duhet të jesh i
sëmurë, i pashpresë, të ofendosh një nënë se rriska një vajzë të vogël…
