Kryeministri Edi Rama, të enjten, gjatë mbrëmjes së fundvitit me mësues nga e gjithë Shqipëria, premtoi se rroga e tyre do të rritet.
Rama u shpreh se paga e tij është padrejtësisht më e lartë se e mësueve, por do të bëjë gjithçka për të ngushtuar diferencën.
“Nuk mund t’ju premtoj se në fund të këtyre 4 viteve paga juaj do jetë shumë afër times, por mund t’ju premtoj këtë gjë, që e imja nuk do rritet, ndërsa e juaj do të rritet vit për vit,-tha Rama.
Ai njoftoi edhe hapjen e një shkolle te re, për drejtorët e shkollave, për t’u mundësuar atyre rritjen e kapaciteteve në drejtimin dhe administrimin e shkollave.
“Ju të gjithë jeni dëshmitarë se sa e rëndësishme është që shkolla të ketë drejtues dhe sa rëndësi ka kjo”,-theksoi Rama.
Ndërsa, bëri me dije se viti që vjen do të jetë edhe fillimi i reformës së drejtimit të arsimit.
Kryeministri tregoi se zgjedhja e atleteve të bardha për të shkuar në mbrëmje, ishte: “Solidaritet me mësuesit e Fiskulturës”.
