Kryeministri Rama ka njoftuar se sot do të nisin prenotimet e riatdhesimit që nisin të shtunën nga Roma.
Nëpërmjet një statusi në Facebook, Rama njofton se plani i riatdhesimit është në formën e një pakete e cila përfshin udhëtimin si dhe karantinimin në një hotel për 14 ditë pas mbërritjes.
“Paketa do të jetë 100€ për fluturimin që do të paguhen nga personi dhe 21€ në ditë për akomodimin 14-ditor në hotel, prej të cilave 14€ do të mbulohen nga qeveria për fjetjen e shërbimin me standartet anticovid19, ndërsa vetëm 7€ do të paguhen nga personi për ushqimin. Besoj se kjo paketë është mëse e arsyeshme e falenderoj Air Albanian dhe operatorët turistikë për mirëkuptimin dhe kontributin e tyre me zemër shqiptare në këtë nisëm aspak të lehtë, për situatën e ndërlikuar që po kalojmë”, shkruan Rama.
Kreu i qeverisë sqaron se çmimi i biletës do të variojë sipas destinacioneve, ndërsa pagesa e hotelit karantinë do të jetë fikse për të gjithë./Opinion.al
