Gjatë një interviste televizive në emisionin “Studio e Hapur” të gazetares Eni Vasili, Kryeministri Rama përmendi shpesh se ndjehej shumë me fat për bashkëshorten e tij. Kjo e fundit, tregoi Kryeministri i ka paguar udhëtimin e fundit në Amerikë, si dhe e ndihmon për kredinë e shtëpisë.
Edi Rama nuk e fsheh se e konsideron veten me fat për bashkëshorten që ka në krah. Dhe është e vështirë mos t’i japësh të drejtë Kryeministrit, kur gruaja të paguan udhëtimet në Amerikë, siç vetë Rama tregon në lidhje me vizitën e fundit disa ditore që zhvilloi me Lindën përtej Atlantikut.
Fati i Kryeministrit është akoma edhe më i madh pasi gruaja duket se i plotëson aftësinë në menaxhimin e të parave nga shitja e pikturave, rast në të cilin Rama pretendon se nuk është fort i aftë.
Kur bashkëshortja të paguan edhe ndërtimin e shtëpisë duke të shlyer edhe kredinë kredinë në bankë, atëherë çdokush do të kishte të drejtën të ndjehej një nga njerëzit më me fat në botë.
Përballë gjithë këtij fati të Kryeministrit, ndoshta janë të justifikuar shqiptarët nëse do të dëshironin një grua në krye të Qeverisë. Një menaxhere po kaq të mirë të parasë publike që do të shpëndante një pjesë të pasurisë edhe për ta.
