Duke folur rreth hapjes së listave në konferencën për mediat ditën e sotme, kryeministri Rama tha se është i gatshëm të bëjë Bashën pjesë të fitores.
“Unë nuk punoj që PS të humbasë dhe të fitojë PD. Unë patjetër jam i gatshëm të bëj Bashën dhe PD pjesë të fitores. Ky nuk është ndryshim i rregullave të lojës. Rregullat e lojës janë të gjitha të shkruara në marrëveshje. Ky është një ndryshim që fut qytetarët në lojë më shumë sec janë sot. E përsëris edhe njëherë që natyrisht që kush kërkon alibi për të krijuar situata konflikti e kemi parë në 30 vjet histori që nuk e ka zor ti gjejë alibitë, por unë nuk jam këtu për të menaxhuar problemet psikologjike apo politike të askujt”, tha Rama.
Kjo deklatatë e tij ngriti pikëpyetje për një koalicion të mundshëm pas zgjedhor PS-PD. Por kryeministri e sqaroi vetë deklaratën e tij.
“Fitorja ime është që Shqipëria të bëhet më e mirë dhe të ecë më shpejt në rrugën e integrimit evriopian, dhe pjesë e kësaj fitore do të dëshiroj shumë të kisha edhe Bashën dhe PD në radhë të parë, por edhe gjithë të tjerët”- tha Rama./ Opinion.al
