TIRANE- “Unë Shullazin e kam ndeshur dy herë në jetën time dhe me porosinë tuaj, në zgjedhjet e 2007 dhe herën e dytë në zgjedhjet e 2009. E kam ndeshur si personin që ka shkuar dhe ka dhunuar takimin elektoral të PS në njësinë 7. Dëshmitarët janë edhe Vasilika Hysi me Besnik Bare dhe njëfarë Erzen, pyeteni atë, jo lumin po drejtorin, thojini si ka qenë ai rast”. Kështu u shpreh Kryeministri Rama në Parlament, duke treguar për herë të parë se si e njeh Emiljano Shullazin.
Duke iu përgjigjur akuzave të Palokës, Rama me ironi tha: “Mes Trumpit dhe atij të zgjedh ty kurse ai i Pentagonit ai është punëtor i Trumpit në shtabin elektoral. Mes trampit dhe punëtorit të trampit, trampistin më të mirë të kam ty, të paktën je shqiptar. Unë nuk jam nga ata që besoj se ke luajt poker me Shullazin te ‘Milosao’. Nuk hyj tek ata që e besojnë këtë, unë di që ti i le lekët nëpër skedina, por ato lekët e gjyqit një më një do mi japësh se do ia fal shkollës së gazetarisë, e sa për dijeninë tënde mos u nxito do presim edhe kushtetuesen, por për momentin je i dënuar si shpifës për Shullazin”.
