Kryeministri Edi Rama edhe gjatë ditës së sotme nuk i është ndarë postimeve ironizuese ndaj rivaleve të tij në politikë.
Këtë herë Rama tallet me deklaratat e ish-kryeministrit Berisha nga foltorja e Kuvendit dhe thirrjeve të tij për armatosjen e shqiptarëve. Rama ndau në InstaStory një videomontazh të një pule të armatosur.
Krahas zërit të Berishës, Rama nuk ngurron të përfshijë si personazh në videon e tij, deputetin demokrat Dashamir Shehi.
Shehi hedh poshtë fjalët e liderit historit të partisë së tij, ndërsa shprehet se edhe kur ka qenë koha për të marrë armët, shqiptarët nuk e kanë bërë një gjë të tillë.
Berisha: Bëjuni gati në rrugët dhe sheshet e Shqipërisë do ushtojnë, o djem rrëmbeni armët ja vdekje ja liri!
Dashamir Shehi: Po tashi, jemi disa këtu që ishte koha për të marrë armët dhe nuk i morëm.
