Gjatë fjalës së tij në Parlament, kryeministri Edi Rama ka përsëritur ofertën për opozitën në lidhje me hartimin e reformës zgjedhore. Rama tha se opozita vazhdon ta ketë ftesën, për një vend në tryezën e diskutimeve.
Gjithashtu, Rama deklaroi se socialistët nuk janë të interesuar për shpërbërjen e Partisë Demokratike, por duan që t’i mundin në zgjedhjet e vitit 2021. Ai ironizoi edhe kryedemokratin Lulzim Basha, duke thënë se duhet të përmirësojë video-selfiet që bën nga vetura.
“Duam t’i mundim në 2021 me rregulla të dakordësuara bashkërisht. Kanë kohën të reflektojnë. Deri në 2021 kanë kohën të organizohen, të përmirësojnë dhe selfiet nga vetura dhe në momentin e përballjes elektorale të shohim se çfarë mendon populli shqiptar”, tha Rama./Opinion.al
