Kryeministri Edi Rama ka qenë në Fushë Torovicë, Lezhë ku inspektoi punimet për shtrimin e një rruge prej rreth 18.2 km. Rruga lidh tre fshatra nga Balldre deri në Bend, me një vlerë rreth 380 milionë lekë.
Banorët thanë se kanë 25 vite që janë pa rrugë dhe disa prej tyre kishin menduar të largoheshin nga kjo zonë, pasi ishte në gjendje të mjerueshme.
Rama ka biseduar me disa banorë, duke bërë edhe batuta. “Afrohuni se më keni luajtur mendsh! Rruga e Torovicës, rruga e Torovicës. Po tani? Kishin 20 vjet pa rrugë”, i tha Rama një banori.
Kryeministri ishte i shoqëruar nga deputeti Pjerin Ndreu, i cili është kandidati socialist për zgjedhjet lokale të 30 qershorit në qytetin e Lezhës.
Dialogu mes Ramës dhe banorëve:
Rama: Si jeni? Afrohuni se më keni luajtur mendsh! Rruga e Torovicës, rruga e Torovicës. Po tani? Kishin 20 vjet pa rrugë…
Banorët: 25.
Rama: 25 dakord, 20 kam numëruar unë. 25 vjet pa rrugë. Tani ta bëjmë rrugën. Këtu ishte për të kaluar me tank, ta bëjmë tamam. Do fillojmë Shëngjin-Velipojën, do ketë dhe Shëngjin-Velipoja një lidhje. Do bëjmë edhe Milot-Balldren.
Banorët: Ti do na i bësh, kush do na i bëjë tjetër.
Rama: Po ti do na i bësh, apo thuaj ti do na i bësh ty do të mbysim.
Banorët: Jo, jo nuk do të mbysim.
Rama: Në fakt ashtu është, s’ke ça bën. Se kush punon kritikohet se kush s’punon s’ke çfarë t’i thuash.
Banorët: Ishalla përfundon. Se nuk na besohet.
Rama: Ishalla nuk zënë rrugën se për të përfunduar do përfundohet. Unë në mes të rrugës nuk i lë rrugët, mos ki merak. Çfarë t’i bëjmë rrugët që i kanë lënë në mes të rrugës. Për Krishtlindje do jetë gati, nga fillimi deri në fund.
