Në kohën kur fliste Presidenti i Republikës, Bujar Nishani, i cili po kritikonte gjuhën e përdorur të kreut të Bashkisë së Tiranës ndaj institucionit të Presidentit, kryeministri Edi Rama ka reaguar në rrjetet sociale.
“Pengmarresit e drejtesise e te Reformes ne Drejtesi na jane zemeruar nga protesta e bashkise perpara gjykates se na qenka nje hata e papare!”
“Dikush t’u tregoje shejtanbudallenjve ndonje pamje nga manifestimet e panumerta te guvernatoreve e te bashkiakeve para gjykatave amerikane!”, shkruan Rama në Facebook, në përgjigje të fjalës së Nishanit, i cili tha se do ta hedhë në gjyq Kryebashkiakun Veliaj, dhe se kjo çështje do t’i mbetet tashmë Drejtësisë.
Ky i fundit e cilësoi Presidentin hajdut në emisionin “Opinion” dy ditë më parë.
