Kryeministri Rama ka reaguar pas deklaratave të regjisorit Edomod Budina i cili bëri thirrje për mosbindje civile pas shembjes së godinës së Teatrit.
LEXO EDHE – “Mosbindje civile”, Budina: Protesta deri në rrëzimin e qeverisë
Rama e cilëson mendimin e Budinës dhe atyre që protestuan kundër shembjes së teatrit të ndryshëm nga mendimi i shumicës. Kryeministri mohon akuzat e hedhura ndaj tij dhe ironizon opozitën se po shfrytëzon kauzën e artistëve.
“Dy fjalë njeriut të mirë Edmond Budina: Je në të drejtën tënde të vazhdosh të mendosh ndryshe nga Robert Ndrenika,Luftar Paja, Gëzim Kame,Viktor Zhusti,Ruzhdi Pulaha,Pirro Milkani,Albert Minga, Altin Basha e plot të tjerë,që janë historia e vjetër dhe e re e skenës kombëtare. Por ty nuk të takon të shash,fyesh e shpifësh njësoj si ata e as nuk ke të drejtë t’i imponohesh vullnetit të qeverisë,bashkisë apo shumicës së komunitetit teatror, sepse sharjet e fyerjet s’janë art, shpifjet s’janë trashëgimi kulturore dhe demokracia nuk është teatër absurd. Unë s’jam as shenjt e as i pagabueshëm dhe nuk ndal dot askënd të më pikturojë si djall, por unë kam lidhje autorësie me punët e zeza që më akuzoni,po aq sa ç’kanë lidhje me Shekspirin dhe Molierin ato partitë që u ngulën tek teatri si në sheshin e radhës për përsheshin e radhës!”, shkruan Rama në Twitter. /Opinion.al
