Kryeministri Edi Rama i ka dorëzuar “Shqiponjën e Artë” trajnerit të kombëtares shqiptare, Sylvihno në Samitin e Diasporës në Tiranë.
“Duhet të ndërroj regjistër për të kaluar te kjo shqiponjë. Nuk e kam as për një shqiptar as për një arbëresh. Shqiptar mund të lindësh, shqiptar mund të bëhesh. Dhe këtë shqiponjë e kam për një shqiptar në lindje e sipër. Ftoj trajnerin e kombëtares tonë Sylvinho”, tha Rama.
Pasi u ngjit në podium, trajneri i kombëtares foli në gjuhën shqipe, ndërsa të pranishmit i përshëndeti me fjalën “mirëmbrëma”.
“Mirëmbrëma. Shumë faleminderit. Faleminderit të gjithëve”, tha Sylvinho.
Këtë çmim, Sylvinho ia dedikoi pa dyshim lojtarëve kuqezinj, ku tha se pa ta nuk do të ishte aty ku është sot.
“Dua të falënderoj të gjithë lojtarët, stafin, pa lojtarët nuk do ishte e mundur që të marr këtë çmim që për mua është një nder i madh“, tha trajneri./Opinion.al
