Kryeministri Edi Rama në një konferencë për shtyp me Ministrin e Brendshëm francez Gerard Collomb foli për takimin dhe çështjet që u diskutuan.
Kreu i qeverisë informoi se kishin prekur edhe temën e emigracionit të paligjshëm dhe azilkërkimit.
“Ne do punojmë për të vazhduar t’ia bëjmë të qartë qytetarëve shqiptarë se rruga e azilkërkimit jo vetëm që përbën në vetvete një rrugë të paligjshme por dhe një rrugë pa krye. Siç dëshmojnë vetë ata që në fund të kësaj rruge janë detyruar të rikthehen, përkthehet në kosto individuale e financiare. Vullneti ynë është i plotë dhe procesi i frenimit që ka nisur do të vazhdojë deri në fund”,-u shpreh Rama.
Kryeministri bëri me dije se e kishte informuar edhe për rezultatet e reformës në drejtësi dhe me pritshmërinë që Shqipëria të marrë një rekomandim të pakushtëzuar nga Komisioni Europian dhe më pas çeljen e negociatave për BE.
Rama tha se kemi shpallur ambicien tonë që në fund të këtij mandati të kemi një polici të standardeve europiane.
