Fjalën e tij në nisje të Asamblesë Socialiste, kryeministri Edi Rama e nisi me Tiranën, që sipas tij është një emergjencë që duhet adresuar, pasi prej 7 muajsh Erion Veliaj ndodhet në qeli. Në fjalën e tij kryesocialisti tha se duhet t’i hapim rrugë zgjedhjeve për kryetarin ri dhe propozoi Ogerta Manastirliun.
“Pjesë e jona është ta mbështesim përmirësimin e sitsemit të drjetësisë. Asnjë ndryshim në legjistacionin e drejtësisë, sa i nevojshëm të duket nga ne, nuk do të merret me votat tona, pa marrë dritën jeshile nga Komisioni Europian. Kjo që kemi është ende larg nga drejtësia që i duhet Shqipërisë 2030 në BE dhe që meritojnë njerëzit e këtij vendi të sakatuar nga drejtësia. Nuk do të kemi asnjë iluzion, nuk ka asnjë rrugë tjetër përveç asaj të vendosmërisë. Të gjitha rrugët e tjera të nxjerrin mbrapsht, te gropa thithëse e drejtësisë.
Sot kemi një kryetar bashkie i zgjedhur tre herë, i dënuar jo për detyrën si kryetar. I janë nxjerrë edhe biseda me familjare nga telefoni i burgut. Kjo nukm ndodh në asnjë vend demokratik. Diktatorial jo e jo. Është shkelja më e hapur dhe më flagrante në shpërdorim të detyrës, nga nga e tyre që duhet të mbajnë nën kontroll hetimet. Tirana ka punë të mëdha dhe të panumërta, përditë e përnatë. Nuk i heq asnjë meritë kryetares në dretyrë për sa ka bërë në këto 7 muaj. E falënderoj për përkushtimin. Por sot ne duhet të marrim një venbdim politik, për t’i hapur rrugë zgjedhjeve për kryetarin e bashkisë në Tiranë. Mendoj se Ogerta Manastirliu është njeriu i duhur për drejtimin e Bahskisë Tiranë.”
