Kryeministri Rama në një dalje të hënën ka deklaruar se është gati plani për riatdhesimin e shqiptarëve që kanë mbetur jashtë kufijve në këto kohë të mbylljes nga koronavirusi.
Rama deklaroi se sipas të gjitha mundësive të shtunën do të nisë fluturimi i parë nga Roma, ndërkohë që të gjithë qytetarët duhet të rezervojnë avionin dhe hotelin ku do të karantinohen kur të kthehen. Sidoqoftë, Kryeministri tha se ky plan do të publikohet gjatë ditës së martë.
“Kërkoj ndjesë të sinqertë sepse e marr me mend, më dhemb mundimi i tyre i pazankontë. Njëkohësisht dua t’u them shumë turp atyre që luajnë patriotash a demokratash me këtë hall të madh . Të mos marrësh këto masa, do të thotë të nxisësh infektimin dhe katastrofën humanitare. Gjithsesi do të kemi kohë të flasim për këto hyjnere pseudo patrikotike, por në kuadër të lëshimeve me pikatore, ashtu siç e paralajmëruam javën e shkuar ne e kemi gati planin për rihapjen e rrugës së atdhesimit. Nesër do të bëjmë gati modalitetetet dhe sipas të gjitha gjasave të shtunën do të nisim fluturimet nga Roma. Kush do të riatdhesohet do të rezervojë vetë avionin dhe hotelin përkatës në strukturën e hoteleve karantinë”, u shpreh Rama./Opinion.al
