Mëngjesin e kësaj të enjte, kryeministri Edi Rama e ka nisur duke postuar në rrjetet sociale për “Formula 1”, garën botërore të ujit që do të zhvillohet në korrikun e ardhshëm në Pogradec.
Rama shkruan se kjo garë është pararendëse e Formula 1 në garat me makina, që do të vijë në Elbasan pas pak vitesh.
“Në korrik të vitit 2024, 43 skuadra nga e gjithë bota do ta kthejnë Pogradecin në kryeqendrën botërore të sporteve ujore për 7 ditë, sepse Shqipëria Turistike tanimë është ngjitur në një nivel të ri” shkruan Rama.
Postimi i plotë:
Mirëmëngjes dhe me FORMULA 1 të garave botërore të ujit, e cila vjen në Pogradec në korrik 2024, si pararendëse e FORMULA 1 në garat me makina, që do të vijë në Elbasan pas pak vitesh, kur të kemi përfunduar cirkuitin e kaluar të gjitha testet e kërkuara, ju uroj një ditë të mbarë.
*43 skuadra nga e gjithë bota do ta kthejnë Pogradecin në kryeqendrën botërore të sporteve ujore për 7 ditë, sepse Shqipëria e Turistike tanimë është ngjitur në një nivel të ri.
