Kryeministri Edi Rama ka folur në takimim me shqiptarët në Selanik edhe për reformën në drejtësi.
Rama ta se tashmë në vendin tonë ka përfunduar koha e pandëshkueshmërisë dhe se e gjithë merita e reformës në drejtësi është e PS.
Edhe pse shumë nga radhët e PS janë në burg, kreu i qeverisë theksoi se nuk ka asnjë përgjegjësi, por kjo gjë tregon se reforma në drejtësi po funksionon.
“Kultura e pandëshkueshmërisë ka marrë goditjen vdekjeprurëse, goditja e para që nga themelimi i shtetit shqiptar. Për herë të partë njerëz të lidhur me pushtetin politik i janë nënshtruar forcës së ligjit. Pavarësisht pozicionit apo lidhjes me partitë politike në qeveri apo opozitë. Ata që kanë përfituar në mënyrë të paligjshme po pësojnë goditjet e një drejtësie të çliruar nga politika. Për të kuptuar sesa e re, për të kuptuar sesa e madhe dhe sa historike është kjo që po ndodh mjafton të kthesh kokën prapësht, ku nuk do të gjesh dot që nga 1912, as në Republikën e përkohshmen parlamentare, as në mbretëri as në diktaturë, as në periudhën e kalimit nga komunizmi në demokraci, deri 3-4 vjet më parë një individ me profil të lartë politik që të jetë dënuar nga një gjykatë e pakontrolluar nga pushteti”, tha Rama.
