Pas fjalës së Frederica Mogherini-t, Rama ka folur sërish në lidhje me rekomandimin e KE-së për hapjen e negociatave me Bashkimin Evropian. Rama ka sjellë në fjalën e tij çështjen Tahiri ku sipas tij, janë zbatuar me përpikmëri të gjitha hapat e Komisionit të venecias. Rama shtoi edhe njëherë se është në pritje të Prokurorisë për të sjellë qoftë edhe një provë të vetme që e implikon ish-ministrin me trafikun e drogës.
Rama gjithashtu nuk i ka kursyer as thumbat për Prokurorinë e Krimeve të rënda duke e konsideruar si një institucion larg të qenit influencues.
“Ajo që është e rendesishme është që ne të përballemi me argumentë se në këtë proces varen vetëm argumentat. Ne procesin e Saimir Tahirit, Kuvendi dhe shumica e qeverisë ka zbatuar gjithçka që Komisioni i Venecias ka nënvizuar për rastet ku një komision i posaçëm sillet ne detyrë për të trajtuar çështjen e arrestit të një deputeti.
Se dyti ne e kemi thënë që ne po presim që Prokuroria të rikthehet me të paktën një provë, jo me 10 dhe Prokuroira e Krimeve të Rënda është shumë larg së qeni një trup që mund të konsiderohet influencuese.”, është shprehur Rama
