Pas përfundimit të mbledhjes dyditore në Lezhë, kryeministri Edi Rama ka dalë në një konferencë për media ku ka folur për krijimin e ministrisë së re, ku në krye të saj u vendos Blendi Gonxhe.
Gjatë fjalës së tij, Rama u shpreh se ka bërë zgjedhjet e ministrit të ri sepse sipas tij është një nga drejtuesit më të sprovuar më me sukses.
“Kjo nuk ka lidhje me persona, por me nevojën që sistemi të bëhet më eficent. Dhe kam bërë zgjedhjen e ministrit të ri sepse është nga drejtuesit më të sprovuar dhe më me sukses. Drejtoria e Përgjithshme e Transportit Rrugor ishte një çerdhe korrupsioni dhe fakti që ne arritëm të bëjmë që republika Federale e Gjermanisë, njohjen e patentës tonë i thotë të gjitha, pra është krijuar një institucion shqiptar që mund ta vendosësh në të gjithë hartën, përndryshe nuk të jep gjermania mundësinë të drejtosh një makinë me një patentë pa bërë testin”, tha kryeministri Edi Rama./Opinion.al
