Kryeministri Edi Rama ka reaguar pak para fillimit të Asamblesë së Partisë Socialiste dhe ka konfirmuar faktin se do të propozojë edhe ndryshimet në qeveri.
Ai thotë se këto ndryshime do t’ia dërgojë nesër për dekretim Presidentit të Republikës.
Rama i bëri të ditura në një postim në rrjetin social Facebook, ku thotë se emrat do t’i bëjë publikë gjatë fjalimi të tij në Asamblenë e PS.
Po ashtu ai shprehet se do te propozojë edhe sekretariatin e ri Ekzekutiv, të cilin e shkarkoi në mbledhjen që u bë në muajin korrik.
“Pas pak, në 17.00, fjala ime drejtuar Asamblesë Kombëtare të Partisë Socialiste, propozimi i Sekretariatit të ri Ekzekutiv të partisë dhe paraqitja e propozimeve që do t’i drejtoj nesër Presidentit të Republikës për kabinetin e ri qeveritar”, shkruan Rama./Opinion.al
