Teksa ka nisur fjalën e tij në Kongresin e PS së, kryeministri i vendit Edi Rama falënderoi në emër të të gjithë socialistëve për punën e saj, ish-kryeparlamentaren Lindita Nikolla.
Ai tha se Nikolla shërbeu si kryetare e Kuvendit në 3 vjet jo të lehta dhe bëri më të mirën e saj si gjithmonë.
“Është kjo koha e duhur për të nisur një investim të ri për kapitalin njerëzor të PS dhe për të punuar me një ambicie të re, paralelisht jo vetëm për Shqipërinë 2030, por edhe PS 2030. Dua të ndalem një moment për të përshëndetur e falënderuar Lindita Nikollën. Shërbeu si kryetare e Kuvendit në 3 vjet jo të lehta, bëri më të mirën e saj si gjithmonë, qysh ditën e parë të shërbimit publik si mësuese. Faleminderit Lindita për forcën e shembullit që ti je!”
