Kreu i PD-së, Sali Berisha ka reaguar pasi kryetari i PS-së, Edi Rama largoi Pandeli Majkon si drejtues qarku në Kukës.
Gjatë një komunikimi me gazetarët nga selia blu, Berisha ka hedhur akuza të forta ndaj Majkos, të cilin e ka konsideruar kriminelin më të madh elektoral në Kukës.
Pasi Majko mori pozicionin e drejtuesit politik në Tiranë, Berisha thotë se ai shkoi përsëri në vendin e krimit.
”Pandeli Majko është kriminel i madh elektoral në Kukës, është i regjistruar në tavolinë me regjistrues të vendosur me vendim gjykate jo për Pandeli Majkon, po për trafikantë droge. Dosja është edhe tek ata, por edhe tek unë. Aty shkon Pandeliu me këtë Alban Çelën dhe i thotë që “ti në Has do të kërkosh shtyllat centifugale buzë Erzenit”. Ata kushtonin 40 deri në 60 mijë Euro, por thotë do të faturohet 800 mijë Euro, nga të cilat 300 mijë Tropojës për të blerë vota, 200 mijë në Durrës dhe tjerat do të përdoren në Kukës.
Oficeri, i cili ishte në detyrë për të hedhur në qark trafikantët, habitet. Përveç kësaj, ata kërkojnë armë se nuk e mundin dot. Ky oficer e merr regjistrimin dhe përgatit dosjen dhe e dërgon në SKAP. Vlora që vodhi arkivën sekrete të shërbimit sekret, refuzon ta presë oficerin dhe ai mbetet jashtë shërbimit dhe sot nuk e di se ku është. Majko shkoi përsëri në vendin e krimit, por duket se e kanë parë se atje nuk e pëlqejnë dhe e ka sjellë në Tiranë sepse qytetarët e Tiranës kanë një revoltë të jashtëzakonshme me Lal vjedhësin, njeriun më të shpifur që ka pasur Tiranë ndonjëherë”, u shpreh Berisha.
