Kryeministri Edi Rama u shpreh tejet i shqetësuar se opozita ka bllokuar lëvizjen e qytetarëve dje me protestën në rrugë ku për 1 orë u paralizua lëvizja në 5 akse kryesore. Ai ishte në Spitalin e Traumës ku dëgjoi një qytetare që ankohej se kishte mbetur një orë në trafik, me nënën e sëmurë në ambulancë…
Me një pamje të përvuajtur, Kryeministri i hedh dorën në qafë gruas që kaloi stres në ambulancë me nënën e sëmurë dhe thotë: “Do bëjmë gjithçka që kemi mundësi. Më vjen keq që ka ndodhur, nuk di si ka ndodhur, është fatkeqësi dhe s’duhet të ndodhë bllokimi i rrugëve. Më ke në dispozicion për gjithçka”.
Por çfarë bënte Edi Rama në vitin 2010, kur ishte kryetar i PS dhe protestonte? Video më poshtë tregon momentet kur Rama shkon në QSUT për të vizituar grevistët e urisë që dolën nga çadra dhe shkuan në spital pasi shëndeti i tyre u përkeqësua. Paralelisht me grevën e urisë asokohe bllokoheshin edhe rrugët, digjeshin goma makinash dhe protestuesit konfrontoheshin me policinë.
Në vitin 2010, disa qytetarë të rastësishëm në QSUT i kërkonin llogari liderit të PS për bllokimin e rrugëve. Por Rama nuk kishte asnjë fjalë për ta, thjesht u kthente shpinën.
Për më shumë shihnin videot më poshtë: Edi Rama dje dhe sot!! /Opinion.al
