Edi Rama dhe Yuri Kim janë ritakuar në SHBA. Kësaj here, Kim është në rolin e ndihmës sekretares se Departamentit Amerikan të Shtetit për Çështjet Evropiane dhe Euroaziatike.
“E lumtur që shoh Edi Ramën në #UNGA78, ku ai kishte rolin e presidentit në debatin e Këshillit të Sigurimit rreth pushtimit të Ukrainës nga Rusia. Në po ashtu patëm mundësinë që të diskutonim rreth mënyrave sesi mund të forcojmë marrëdhëniet SHBA-Shqipëri, mbështetjen e SHBA-së për Shqipërinë në rrugën e saj drejt integrimit në BE, dhe bashkëpunimin tonë në NATO dhe në Këshillin e Sigurimit të Kombeve të Bashkuara”,- shkruan Yuri Kim në platformën X.
