Kryeministri Rama e nisi fjalën e tij sot në Kuvend duke i konsideruar dëngla kritikat ndaj masave të marra nga qeveria për të parandaluar pasojat e krizës së koronavirusit.
Sipas tij Shqipëria renditet ndër vendet me “plagë më të lehta” të marra nga kjo krizë dhe kjo ka ardhur si rezultat i punës së ekspertëve të cilët kanë qenë të pregatitur.
“Asnjë vend në glob nuk ka bërë asgjë më shumë se sa kemi bërë ne. Jo rastësisht Shqipëria renditet me s vendeve me plagët më të lehta krahasuar me shumë vende të tjera. fatmirësisht jemi gjendur në një situatë ku kemi pasur privilegjin t’i referohemi një ekspertize në nivelin më të lartë që janë në Shqipëri. Ata kanë provuar se për këtë fushë Shqipëria nuk ka kujt t’i ketë zili”, tha Rama.
Kryeministri shtoi se kjo luftë ka dy fronte ai në shëndetësi dhe ai në ekonomi ku sipas tij në të parin jemi duke fituar dhe në të dytin do të bëjmë të njejtën gjë.
Kjo luftë ka dy fronte. Atë të përballjes në vijën e zjarrit, frontin e betejës për shëndetin he rimëkëmbjen ekonomike sot dhe nesër. Ne po fitojmë betejën në frontin e shëndetësisë, do ta fitojmë dhe në frontin e ekonomisë. me stres e sakrifica, por do t”i fitojmë të dyja betejat“, tha Rama.
Debatit nëse ndaj qytetarëve duheshin shpërndarë para ose ndihma ushqimore Rama nuk iu përgjigj konkretisht.
“Dëgjova edhe këtu, flitet për vendet që po hedhin miliarda dhe për Shqipërinë që ka mbetur te qeset. Flitet në një mënyrë që është e neveritshme në këto kushte dhe më e bukura është që për qeset flasin ata që hanë e pinë, dhe hapën e pinë më shumë se dje, kurse ata që i marrin ato qese, janë falenderues dhe mirëkuptues, nuk janë ata që janë më në nevojë që shesin dëngla sot, por ata që janë më pak në hall. Dhe për më tepër ata që i bëjnë llogaritë pa hanxhiun fare, e dini ju se sa është shuma që presidenti i Francës ka deklaruar dje, 150 euro plus” tha Rama.
Ndryshimet në Kodin Penal janë të domosdoshme për të garantuar lehtësimin e masave shtoi Rama dhe i ftoi deputetët t’i votonin .
“Mos u bëni agjentë të covidit por votoni kodin”, tha ndër të tjera kryeministri. /Opinion.al
